Un incendio nun desguace de Lousame calcina medio cento de coches

Descoñécense a orixe do lume. A nave da empresa non quedou afectada e ningunha persoa precisou asistencia sanitaria.


|


Desguacelousame


A extinción alargouse ata a madrugada. //Foto: Emerxencias Galicia


Un incendio declarado este sábado pola noite nun despezamento de Lousame (A Coruña) calcinou medio cento de coches. En concreto, as instalacións nas que se produciron os feitos sitúanse en Sedofeito, na parroquia de Toxos Outos.

Foron varias persoas particulares quen contactou co 112 Galicia para alertar da situación, segundo este mesmo recolle na súa páxina web. De feito, a primeira delas chamou ao fío das 22,15 horas.

Pola súa banda, outro dos alertantes indicou que estaban a arder moitos coches, pero que a nave da empresa non resultara afectada. Con estes datos, o persoal da central de emerxencias do 112 alertou aos Bombeiros de Boiro e aos de Ribeira.

Tamén se informou ao GES de Brión, a Protección Civil e á Garda Civil. Ademais, os efectivos de Urxencias Médicas tamén recibiron o aviso, aínda que finalmente ningunha persoa necesitou asistencia sanitaria.

Durante as tarefas de extinción, un cable do tendido eléctrico caeu sobre a zona de traballo, o que dificultou as tarefas dos efectivos mobilizados. Finalmente, a empresa eléctrica responsable tivo que cortar a electricidade na zona.

O incendio quedou extinguido por completo sobre as 2,00 horas deste domingo. Polo momento, descoñécense as causas que puideron provocar o lume.

relacionada ​Arde por completo unha casa e unha cuadra anexa en Carballedo
relacionada ​Un incendio calcina una nave de gestión de residuos en Arteixo

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE