​O BNG segue a definir a estratexia política do nacionalismo

|

Bngponton 2


A executiva do BNG propoñerá este sábado ao Consello Nacional celebrar a asemblea da formación a finais de marzo para cumprir "o mandato asembleario" de realizar este evento no prazo dun ano, segundo explicaron fontes da dirección da organización.


En concreto, realizar este novo encontro nun período dun ano foi unha das decisións ás que se chegaron na XV Asemblea Nacional do Bloque do pasado 28 de febreiro, na que se impuxo a liña oficial que apostaba por unha "refundación" sosegada e posterior ás pasadas eleccións autonómicas.


Deste xeito, as mesmas fontes explicaron que aínda que no seo da formación houbo un debate sobre a conveniencia de aprazar esta asemblea nacional para "máis adiante" ao considerar que os procesos electorais celebrados en 2016 non permitían centrarse no proceso, a executiva do Bloque decidiu manter "o mandato asembleario". Por iso, propoñerá celebrar esta cita a finais de marzo.


Respecto diso, lembraron que este proceso de refundación, denominado 'Proceso Adiante', tivo unha primeira fase, entre os meses de maio e xuño, na que se celebraron unhas 120 asembleas por toda Galicia para que os interesados puidesen facer as súas achegas sobre aquelas cuestións que consideraban que se debían cambiar.


DISCREPANCIAS


Con todo, outras voces críticas manifestaron a súa consideración de que o debate "está totalmente paralizado" dado que, na súa opinión, "hai unha apatía interna" cara a que "haxa cambios profundos" e "só se aposta por simples modificacións estéticas" da formación.


Neste sentido, acusaron á dirección do BNG de "tentar dar a imaxe de que hai un debate con vidilla", cando o proceso "está totalmente morto" e lamentaron que, "unha vez máis", "non se teñan en conta as voces discrepantes".

relacionada Fernández Lores: "O BNG está a recuperar o camiño de forma espectacular"
relacionada As tres sensibilidades do BNG debatiranse nas asambleas comarcais
relacionada O BNG comeza a perfilar o seu futuro

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress