O BNG comeza a perfilar o seu futuro
O bloque nacionalista debe decidir se se abre a pactos con formacións que non sexan netamente nacionalistas, como En Marea
POLÍTICA DE PACTOS
Desta maneira, sobre a política de alianzas para as autonómicas deste ano, a liña 'oficial' rexeita os pactos con outras formacións políticas que non sexan netamente nacionalistas, é dicir, declina participar no proxecto das mareas.
Fronte a eles, as outras dúas opcións apostan por políticas de pactos "flexibles", no caso do documento das deputadas; e forxar unha "alianza das forzas nacionalistas e das esquerdas para derrotar a dereita centralista e conformar un goberno plural na Xunta", no que asina Nogueira.
PROPOSTA ORGANIZATIVA
O documento base para debate propón impulsar a denominada 'Iniciativa Máis Alá', que avoga por establecer unha "fórmula como ferramenta participativa para a reformulación e apertura dunha estpa do proxecto político do nacionalismo', e márcase a obrigación de "rematar no prazo dun ano coa celebración dun asemblea nacional específica para este proceso".
Neste sentido, propón desenvolver asembleas abertas, mesas redondas, reunións con colectivos e persoas, grupos de discusión e debate e espazos web, entre outros. En atención a iso, debateranse tres bloques de contidos: radiografía social, política e económica da Galicia actual; estratexia política do nacionalismo; e participación política e modelo organizativo.
Con todo, o voto particular presentado polas dúas deputadas do Parlamento galego quere unha "reformulación da concepción da militancia e da participación na organización", cun deseño da estrutura que sexa "sinxela, áxil, pouco burocrática e moi participativa, pero á vez que poida funcionar ao momento e poida responder ao día a día da política".
"Facer profunda autocrítica, recoñecer o fracaso electoral e, en consecuencia, iniciar un proceso de refundación do nacionalismo na próxima asemblea nacional que se desenvolva desde a base mesma da militancia", reclama este voto particular.
Escribe tu comentario