​O TSXG ratifica a sentenza que anula o primeiro ERE de Sargadelos

|

Sargadelos


O Tribunal Superior de Xustiza de Galicia (TSXG) ratificou a sentenza que anula o primeiro expediente de regulación de emprego (ERE) de Sargadelos ao desestimar o recurso de apelación interposto hai dous anos pola Xunta e as empresas do grupo.


Diso informou o sindicato CIG nun comunicado, no que lembrou que en agosto de 2010 a fábrica de cerámica convocou ao comité de empresa para negociar un ERE de extinción de contratos, o primeiro, que afectaría a 34 persoas. A reunión finalizou sen acordo entre as partes e coa proposta final da dirección de despedimento de 26 traballadores.


Ante este feito, a CIG presentou alegacións en solitario ante a Consellería de Traballo. Con todo, asegurou que mentres desde o sindicato "apuraban os procedementos da vía administrativa", a dirección da empresa "decidiu executar parcialmente o ERE co despedimento de oito traballadores".


"Ante a cerrazón da dirección", a central nacionalista lembra que presentou un contencioso administrativo que foi resolto en novembro de 2014 e que recoñecía en sentenza que na negociación do ERE a empresa non achegase a documentación do resto de empresas de Sargadelos e que a selección do persoal fíxose sen "criterios efectivos", motivos polos que a Consellería de Traballo non debía de aprobalo e, en consecuencia, "declarábase a nulidade".


OITO DESPEDIMENTOS


Segundo explicou o sindicato, neste fallo, que foi ratificado polo TSXG, recóllese tamén "o dereito das oito persoas traballadoras afectadas á reincorporación nos seus postos de traballo", o abono das cantidades deixadas de percibir en concepto de salarios desde as extincións dos seus contratos, así como a retroacción da alta co abono correspondente das cotas correspondentes na Seguridade Social.


Con todo, a CIG lembrou que a dirección da empresa decidiu non executar esta sentenza e, do mesmo xeito que a Xunta, interpuxo os citados recursos de apelación ante o TSXG para solicitar que se declarase "adecuada a dereito" a resolución da Administración autonómica que autorizaba o ERE e, por tanto, os despedimentos posteriores.


"Dous anos despois da presentación deste recurso (e seis despois dos despedimentos) recibimos a resolución do TSXG que desestima as pretensións da Xunta e do grupo Sargadelos, ratificando na súa integridade a sentenza apelada e mantendo os dereito dos traballadores recolleitos na mesma", celebrou o sindicato.


Por último, aínda que "cabe a interposición de recurso de casación", a CIG confiou en que a empresa "recapacite" e "acate as sentenzas", "adoptando unha postura de responsabilidade e dignidade acorde co prestixio da súa marca".

relacionada Sargadelos supera por fin o seu concurso de acreedores
relacionada ​CC.OO. denuncia en la Inspección de Trabajo "acoso laboral" en Grupo Antolín Vigo

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress