​Aena pecha o mellor ano da súa historia

|

Aeropuertovuelos

Os aeroportos da rede de Aena pecharon 2016 con máis de 230,22 millóns de pasaxeiros, un 11% máis que no ano anterior, no que é xa o mellor ano da súa historia, tras bater o récord alcanzado en 2007, previo á crise (210,4 millóns de viaxeiros).


Durante 2016, operáronse 2,04 millóns de operacións, o que supón un aumento do 7,5% con respecto ao ano anterior. Este incremento viuse favorecido polo "excelente desenvolvemento de sector turístico no pasado exercicio", destacou Aena.


O 'boom' turístico propiciou que se superen as propias estimacións do xestor aeroportuario que prevía pechar o ano 2016 cun crecemento do 6,2%.


Do total de pasaxeiros rexistrados durante o ano pasado, 161,7 millóns realizaron voos internacionais (+12%) e 67,5 millóns foron voos nacionais (+8,8%). Dos máis de 230 millóns de pasaxeiros, 229 millóns corresponderon a operacións comerciais (-11%), segundo os datos publicados hoxe por Aena.


No último mes do ano 2016, contabilizáronse 15 millóns de pasaxeiros nos aeroportos de Aena, un 12,6% máis, e máis de 139.895 voos, un 6,5% máis.


O Aeroporto Adolfo Suárez Madrid-Barajas foi a instalación que maior tráfico de pasaxeiros rexistrou de toda a rede, con 50,4 millóns de viaxeiros, un 7,7% máis que en 2015.


Seguiulle Barcelona-El Prat, segundo da rede, que logrou en 2016 o seu récord en número de pasaxeiros, con 44,1 millóns de viaxeiros, un 11,2% máis que un ano antes.

relacionada ​Os orzamentos da Xunta para turismo soben un 5%
relacionada ​230 millones de viajeros pasaron por los aeropuertos españoles en 2016
relacionada Aena aumenta case un 50% os seus beneficios ata setembro

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress