​Os orzamentos da Xunta para turismo soben un 5%

|

Valerianomartinez


Os orzamentos da Xunta de Galicia destinados ao turismo soben un 5% e os dirixidos a impulsar a modernización e internacionalización da economía increméntanse un 10% nas contas autonómicas para o ano 2017, que este venres aprobará o Consello.


Así o avanzou este xoves o conselleiro de Facenda, Valeriano Martínez, tras reunirse co presidente en funcións da confederación de empresarios de Galicia (CEG), Antonio Fontenla. Este, pola súa banda, valorou o "cambio de tendencia" do proxecto, e que "por fin os orzamentos restritivos deixáronse atrás".


En declaracións aos xornalistas, Martínez reiterou que o documento contén unha "aposta moi importante" polas políticas activas de emprego (ascenden un 15%, con 32 millóns de euros máis), en materia de autónomos e formación, e en procura dun "crecemento san".


Ademais, destacou que hai unha "aposta" tamén por actividades "de carácter tractor" da economía, como o ámbito rural, a pesca e o comercio, por unha banda, ou o crecemento intelixente e a I+D+i, por outro.


Por último, indicou que explicou a Fontenla "os novos instrumentos financeiros" dos que se está dotando o Igape (instituto galego de promoción económica), con 20 millóns de euros, para que os proxectos empresariais poidan saír adiante.


FONTENLA


Pola súa banda, o representante dos empresarios galegos, Antonio Fontenla, resaltou que, polo falado co conselleiro, observa un "apoio importante" ás novas tecnoloxías e á innovación, ao "tema social", a formación e novos emprendedores e a mozos e colectivos de difícil inserción.


Así mesmo, referiuse ao apoio ao campo, ao turismo, ao sector aeronáutico e ás infraestruturas, cun "maior investimento" neste último apartado.

relacionada ​CCOO acusa á Xunta de ter unha "visión distorsionada" de Galicia
relacionada Pontón, sobre o teito de gasto: "Non estamos ante uns orzamentos expansivos"
relacionada Aprobado o 0,6% de déficit para as CCAA en 2017

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress