Aínda que ninguén o dixo e todavía hai moita tea que cortar dentro do Partido Popular, aos dirixentes do partido que fundara Manuel Fraga e levara ao cenit do poder José María Aznar, pícalles a curiosidade estos días por coñecer canto tempo vai continuar no poder Mariano Rajoy, tras dilapidar a súa maioría absoluta e pasarse ao "tancredismo" dende o que intimidou aos seus para que o sigan vendo como a única cabeza de lista posible de cara ás inmediatas eleccións lexislativas.
Da Declaración unilateral de independencia que aprobaron en solitario 72 deputados, no Parlament de Cataluña que están avalados por 1.966.000 votos (o 35,6% do censo), deveu o Consello de ministros extraordinario que decidiu recorrer ao Tribunal Constitucional para que invalide tal Declaración, e de aí a decisión mais que probable do Alto Tribunal de facerlle caso ao Goberno do Estado.