O PPdeG rexeita a petición para que Feijóo compareza no Parlamento

O PPdeG rexeitou este luns dúas iniciativas da oposición pedindo a comparecencia do presidente da Xunta, Alberto Núñez Feijóo, ante o Parlamento de Galicia para dar explicacións sobre as políticas contra incendios forestais e para paliar os problemas do sector lácteo.

Os deputados do PPdeG rexeitaron ambas as propostas nunha reunión da deputación permanente do Parlamento de Galicia na que representantes do PSdeG, AGE, BNG e o grupo Mixto recriminaron a Feijóo a súa ausencia ante os graves incendios forestais rexistrados o pasado fin de semana.

O deputado o PPdeG José Manuel Balseiro insinuou que os seus compañeiros da oposición "non se decataron" das medidas do Goberno galego, talvez porque estaban "de vacacións", e opinou que "non ten ningún sentido" que Núñez Feijóo compareza para dar conta da situación.

"A sociedade pide un cambio de mentalidade", dixo Balseiro, quen opinou que a sociedade galega queren "máis debate construtivo e menos crítica partidista", e advertiu de que o seu partido non é favorable a unha reunión para facer un uso político dos incendios".