Coñeze o perfil do peregrino das Compostelas

|


237.886 peregrinos selaron a súa Compostela ao longo do ano 2014, o que supuxo un incremento do 10,2% acadando un máximo histórico nun Ano non Xacobeo. Destes, máis da metade proviñeron do estranxeiro, supoñendo os peregrinos internacionais o 52,24%.Así o reflicte o amplo estudo do perfil do peregrino que inclúe o Plan Director e Estratéxico do Camiño de Santiago aprobado pola Xunta de Galicia na pasada semana.
 

O informe reflicte que o 68,10% dos peregrinos que chegaron a Compostela no pasado ano o fixeron pola vertente francesa do Camiño, a ruta xacobea máis transitada durante o pasado ano. Ao Camiño Francés seguíronlle, por ode de importancia, o Camiño Portugués, que acolleu o 10,92% do total dos peregrinos, e o Camiño do Norte co 6,34% pola súa parte.



En relación á procedencia, os peregrinos italianos lideraron a clasificación de peregrinos internacionais, ao achegar o 8,51% do total, superando a Alemaña que supuxo, neste caso, o 6,87%. En canto á procedencia nacional, Madrid segue sendo a Comunidade da que chegan máis peregrinos a Compostela.



Por outra parte, o informe amosa que máis da metade —50,62%— dos peregrinos que chegaron a Santiago fixérono por motivación relixiosa e de outra índole, o 42,46% exclusivamente por unha motivación relixiosa e a porcentaxe restante —6,92%— por motivos non relixiosos.



Así mesmo, o informe refírese ao medio utilizado polos peregrinos para realizar o Camiño. Neste senso, continúan sendo os peregrinos que realizan a Ruta Xacobea á pé os máis numerosos, pois representan o 88,67%. No pasado ano escolleron a bicicleta para acadar a meta de Compostela o 10,64% dos peregrinos e o cabalo o 0,64%.



En canto ao perfil sociodemográfico, o estudo sinala que o 55,37% dos peregrinos teñen unha idade de entre 30 e 60 anos.


No que se refire ao xénero, o Plan Director asoma que foron os homes que realizaron o Camiño de Santiago no pasado ano os que representaron unha porcentaxe superior, do 54,02% concretamente, fronte ao 45,98% das mulleres.



Así mesmo, o informe revela que o 23,14% dos peregrinos que selaron a súa Compostela no 2014 estaban en situación de emprego.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress