Galego
Os defensores da sanidade atrapados en Bruselas volverán co traballo feito
En principio, contan con poder volver mañá a Galicia
Os 13 representantes das plataformas en defensa da sanidade pública en Galicia atrapados en Bruselas contan con volver a casa mañá, co traballo feito pese á impresión que supuxo para eles salvarse "polos pelos" dos atentados.
En concreto, en Bruselas permanecen 10 componentes da plataforma SOS Sanidade Pública e 3 membros da Xunta de Persoal do Chuvi, que contan con poder volver a España hoxe ou seguramente mañá, a través de Madrid.
Así o asegurou o presidente da Xunta de Persoal do Chuvi, Ángel Cameselle, que asegurou que todos estaban ben e volvían despois de "facer o traballo que tiñan que facer", reuníndose con parlamentarios europeos para denunciar as supostas irregularidades na concesión do Hospital Álvaro Cunqueiro.
Cameselle confía en que esta visita facilite o rescate do Álvaro Cunqueiro, se no futuro Europa lles dá a razón conque as cousas "non se fixeron ben".
Defensores de la sanidad pública en Galicia se salvaron "por los pelos" de los atentados de Bruselas
Al menos 34 muertos en los atentados de Bruselas
Sigue la búsqueda de Najim Laachraoui, tras la detención de un sospechoso en Bruselas
Escribe tu comentario