‘Con-Fío en Galicia’ xa recibiu 7.392 visitantes

Cumprido un mes dende a súa inauguración, a mostra ‘Con-Fío en Galicia’ xa recibiu 7.392 visitantes, que se achegaron a coñecer a historia dun sector téxtil que convertiu a Galicia nun referente internacional.

Dende a súa apertura, a mostra recibiu unha media de 264 visitantes por día, acadando unha especial aceptación entre a comunidade educativa. Un total de 1.037 escolares pasaron xa pola exposición, gozando de actividades actividades lúdico-didácticas que os axudan a fixar os coñecementos adquiridos.

O público xeral aínda ten moito tempo para visitar a exposición. A mostra pode visitarse no Museo Centro Gaiás ata o 11 de Setembro de martes a domingo, de 10 a 20 horas, e a entrada é de balde. Ademais, de martes a venres, o público conta cunha visita guiada ás 18:30 horas e sábados e domingos ás 12:30 e ás 18:30 horas.

Preséntanse uns 100 'looks' singulares de moda feita en Galicia, pero tamén reinterpretacións contemporáneas de indumentarias históricas, valiosas coleccións privadas e unha recompilación de material fotográfico e audiovisual que tentan plasmar a historia do téxtil galego. A exposición tamén integra un espacio patrocinado por ViAQUA, que presenta un proxecto de moda sostible con traxes confeccionados con materiales reciclados.

Comisariada polo historiador Miguel Anxo Seixas Seoane, a mostra enfoca momentos clave da historia do téxtil. Entre as primeiras referencias está a agulla da Cova de Eirós (Triacastela, Lugo),un óso puído de sete centímetros que podería datar do Paleolítico, a peza máis antiga vinculada ao téxtil que se atopou na comunidade.

Tamén revela anécdotas, por exemplo que a fábrica de camisas Regojo, situada na localidade pontevedresa de Redondela, gañou a fama nos anos 60 coa 'camisa Dalí', bautizada así xa que a súa publicidade foi realizada por Salvador Dalí. Asinou un contrato de 125.000 persoas e cobraba unha peseta máis por camisa vendida.

A vinculación coa arte tamén está presente nunha mostra que lembra como Pablo Picasso deseñou un traxe de galego para un ballet titulado 'Chapeu de tres picos'.