En Marea nega a autoría da imaxe de Feijóo "aforcado" e o PPdeG esixe desculpas
A organización desminte que a montaxe fotográfica co logo de En Marea que foi difundida por OK Diario fose elaborada pola organización nin difundida por canles oficiais.
En Marea vén de desmentir calquera tipo de vínculo coa a caricatura de Feijóo 'aforcado' que lles foi atribuída por OK Diario. Nunha información titulada 'Podemos inicia la precampaña gallega ahorcando a Feijóo', o dixital de Eduardo Indra difundía unha imaxe na que se pode ver a caricatura de Núñez Feijóo "aforcado" co logotipo de En Marea. Dende o medio aseguraban que a imaxe fora a elixida por En Marea para presentar a súa "nova imaxe política".
Miguel Tellado publicaba un chío esta mañá para censurar esta acción e pedir desculpas do candidato á Xunta de En Marea, Luis Villares.
Inadmisible en democracia. Agardamos unha disculpa de @VillaresLuis
— Miguel Tellado (@Mtelladof) 2 de septiembre de 2016
https://t.co/i84TrXAUCm
Pola súa parte, En Marea negou calquera tipo de vínculo con tan controvertida imaxe e afirmou que lles parece "de mal gusto" a dita caricatura. Ademais, a formación pedía "prudencia" á hora de realizar "montaxes humorísticas" argumentando que "non todo vale en campaña".
Ola @Mtelladof. Xa desmentimos ter nada que ver con esa imaxe. Estaría ben que se informarse antes de falarhttps://t.co/8PkzhHW44a
— EnMarea (@En_Marea) 2 de septiembre de 2016
Escribe tu comentario