​A Xunta Electoral amplía ata hoxe o prazo para votar por correo

As oficinas de Correos de toda España admitirán ata este xoves, 22 de setembro, dentro do horario habitual de apertura de cada oficina, o depósito de votos por correo para as eleccións autonómicas aos parlamentos de Galicia e Euskadi que se celebrarán o vindeiro domingo 25 de setembro, segundo o acordo da Xunta Electoral Central adoptado este mércores.

Nun comunicado, Correos lembrou que este prazo finalizaba inicialmente este mércores, pero, grazas á decisión adoptada, os cidadáns que solicitasen exercer o seu dereito ao voto por correspondencia para os citados procesos electorais dispoñerán de máis tempo para depositar o sobre co seu voto, con carácter certificado e urxente, en calquera das oficinas postais.

Correos deberá asegurar a remisión en tempo hábil dos ditos votos ás mesas electorais na xornada electoral do domingo, 25 de setembro.