​Constituídas con "relativa normalidade" todas as mesas electorais en Galicia

|

Mesaelectoral 1


As 3.977 mesas electorais distribuídas polos 2.463 colexios electorais habilitados en Galicia foron constituídas con "normalidade" na mañá deste domingo 25 de setembro. De feito, só houbo "algún atraso" na constitución dalgunha mesa por ausencia de titular, suplente ou material. 


Diso informou aos medios de comunicación o secretario xeral dá Presidencia, Manuel Galdo, quen precisou que os atrasos que se produciron tiveron lugar nas cidades da Coruña e Ferrol: na primeira por ausencia de titular ou suplente e, na segunda, por falta de material.


A este respecto, explicou que, en ausencia de titular ou suplente, as primeiras persoas que chegan ao lugar de votacións pódense incorporar como membros da mesa electoral.


Para acceder aos avances de participación e aos resultados provisionais, todo aquel que o desexe pode consultar a páxina web http://resultados2016.xunta.gal


En concreto, este domingo 25 de setembro están chamados a votar un total de 2.255.579 galegos nas 3.977 mesas distribuídas polos 2.463 colexios electorais. Con todo, aos máis de 2,2 millóns de electores censados en Galicia, hai que sumar os 446.269 inscritos no Censo Electoral de Residentes Ausentes (CERA).


O electorado contará con case 35 millóns de papeletas e tres millóns e medio de sobres de votación. Ademais, para a recollida da información, habilitouse un dispositivo do que forman parte 2.716 representantes da administración que, por primeira vez nos comicios galegos, contarán cunha tableta para a transmisión de datos da votación desde os colexios electorais ata o centro de procesamento da información.


JÁCOME


A única 'excepción' á normalidade vivida na xornada de hoxe viviuse en Ourense. A xunta electoral ordeou tapar os cartafoles co nome de Feijóo que tiñan os interventores sobre as mesas electorais do Edificio Sindical en Ourenses. Esta situación pasou despois de que Gonzalo Jácome chegase ao devandito lugar dicindo que ía denunciar a situación ao Xulgado e que quería impugnar "todas as mesas da provincia".



relacionada Os candidatos galegos votan ao longo da mañá
relacionada 4.000 mesas electorales repartidas en 2.500 colegios

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress