Urbaser, vendida a un grupo chino

|

Urbaser


ACS vendeu Urbaser, a súa filial de servizos de limpeza viaria e recollida e tratamento de residuos, a Firion Investments, firma controlada por un grupo chinés, por un importe que oscilará entre 1.164 e 1.399 millóns de euros, segundo anunciou a compañía.


Urbaser é a maior concesionaria de servizos públicos de Galicia con 1.000 empregados. Xestiona a limpeza urbana, os residuos ou a auga de numerosos concellos galegos, incluídos Ferrol, A Coruña ou Lugo.


O grupo que preside Florentino Pérez logrará unha plusvalía de entre 325 e 560 millóns de euros con esta operación, cuxo peche está pendente de lograr as pertinentes autorizacións.


En virtude dos termos acordados para a operación, a filial de ACS valorouse en entre 2.212 e 2.463 millóns, importe que inclúe a débeda da empresa.


Urbaser, sobre a que o grupo tiña colgado o cartel de 'véndese' desde hai case un ano, é unha das compañías que este pasado verán lograron parte do contrato do servizo de recollida de lixos de Madrid.


Ademais de en España, a compañía ten unha destacada actividade en Francia, onde conta con varios contratos de limpeza e recollida de lixos do centro de París, e en Reino Unido. Tamén ten contratos no Norte de África, México, Chile e Arxentina.


Urbaser conta cun persoal duns 28.000 traballadores e presentaba unha carteira de contratos por valor duns 8.500 millóns de euros e unha facturación duns 1.650 millóns de euros ao peche do exercicio 2014, segundo os últimos datos facilitados prol a empresa.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress