Fernán Vello tacha de "ignorante" ao pobo galego e acaba pedindo desculpas

|

Fernanvello


O deputado de En Marea por Lugo, Miguel Anxo Fernán Vello, tivo que rectificar e pedir desculpas tras tachar de "ignorante" ao pobo galego polos resultados das eleccións galegas do pasado domingo, nas que o PP de Alberto Núñez Feijóo revalidou a maioría absoluta.


"Pobo estraño o noso: "escravos" que votan ao amo, ao 'señorito', ao cacique, ao que manda, aos de sempre. Pobo alienado e ignorante", escribiu o deputado na súa conta persoal da rede social Twitter.

Tweetfernanvello

Fernán Vello, un dos deputados de En Marea que ao tomar posesión proclamou que é "o pobo quen máis ordena", retirou a súa mensaxe horas despois, cando desde o PP galego xa lle pedían a dimisión.


"Rectificar é preciso --publicou a continuación--. En 'quente' podemos expresar ideas desacertadas. O pobo falou e ten todo o meu respecto. As miñas desculpas se ofendín".


PETICIÓN DE DIMISIÓN


A portavoz adxunta do Grupo Popular no Congreso e deputada pola Coruña, Marta González, esixiu este martes ao deputado de En Marea Miguel Anxo Fernán Vello que dea "explicacións e desculpas serias e contundentes" por tachar de "ignorante" ao pobo galego polos resultados das eleccións galegas do domingo, e se non, que presente a súa dimisión e deixe a súa acta.


"A pesar de saber que el publicou outro 'tweet' semidisculpándose, consideramos que esas desculpas non son suficientes e que realmente ofendeu gravemente ao pobo galego que nos elixiu a todos os que estamos aquí, a el tamén como deputado, e votou maioritariamente ao PP nas eleccións autonómicas", criticou.


Por iso, a portavoz 'popular' defendeu que "se non dá unhas explicacións e unhas desculpas serias e contundentes, non está capacitado para exercer esta representación que lle deron os votos, e por tanto debería dimitir e deixar o seu posto a alguén máis capacitado".


Pola súa banda, o deputado de En Marea considera "ridículo" que o PP, onde "hai unha putrefacción xeral e non dimite ninguén", reclamase que deixe o seu escano por un tuit "desafortunado" que xa retirou e polo que xa pediu desculpas.


relacionada ​O PPdeG de Feijóo revalida a súa maioría absoluta

1 Comentarios

1

Está claro que a mayoría do povo galego vota polos señoritos polos amos que o explotan e tiranizan pero non é nada extraño, o que ven nos que nos decimos de esquedas no é mais que tres pandas de irresponsables liderados por “ilustres” imbéciles.

escrito por Antonio 28/sep/16    11:59

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress