​Industria admite os documentos traducidos polos que denegara axudas a Santiago e Teo

|

Alumbradoeficiencia


O Instituto para a Diversificación e Aforro Enerxético (IDEA), adscrito ao Ministerio de Industria, admitiu agora os documentos traducidos do galego incluídos no expediente enviado polo Concello de Santiago para poder optar a unhas axudas de 1,46 millóns de euros para aforro enerxético.


Inicialmente, este instituto rexeitara que o Consistorio puidese emendar unha documentación remitida en galego e denegou as axudas ao Concello de Santiago por esta circunstancia, en resolución do 11 de xullo.


O día 27 dese mes o propio alcalde, Martiño Noriega, remitiu unha reclamación para que se reconsiderase esta postura e este mesmo luns chegou a notificación de acordo estimatorio desa petición realizada polo rexedor, o que permite a Santiago optar a esa contía para renovación do parque de luminarias.


Así, segundo informou Noriega, esta nova resolución estima a reclamación que se fixo no seu nome e anula a que excluíu ao concello de participar nas axudas. Ademais, admite a incorporación dos informes traducidos e retrotrae a decisión sobre o expediente, de maneira que agora o Concello volve optar a esas axudas.


Noriega expresou a súa "satisfacción" de que esta reclamación "chegase a bo porto" e de que o Concello "estea en disposición de optar a esta liña de axudas para diminuír o gasto enerxético".


TAMÉN NO CONCELLO DE TEO


De igual modo, tamén foi admitida a reclamación formulada polo Concello de Teo, que capitanea Rafael Sixto (Anova-Son). Neste caso, trátase dunha petición de axudas de 3,27 millóns de euros para o proxecto de iluminación pública.


No seu día, o propio presidente da Xunta (agora en funcións), Alberto Núñez Feijóo, considerou esta a denegación destas axudas por achegar documentos en galego un "erro" ou "un disparate".


Pola súa banda, A Mesa pola Normalización Lingüística anunciou unha denuncia contra o IDAE por "a grave vulneración da Carta Europea das Linguas" nestas liñas de axudas.

relacionada ​"A lingua non pode ser un motivo de exclusión"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress