​Vigo reclama converter en urbano o último tramo da AP-9

|

Plenovigo 1


O Pleno da Corporación municipal de Vigo aprobou este luns por unanimidade unha moción do PSOE para instar o Goberno central, á Xunta e á concesionaria, a tomar medidas urxentes para converter en urbano o último tramo da autoestrada AP-9, o que vai desde a Avenida Buenos Aires ata a rúa Alfonso XIII, en pleno centro da cidade.


O concelleiro David Regades, encargado de defender esta moción, subliñou que a integración dese tramo de autoestrada no armazón urbano é unha "necesidade real" e unha "antiga demanda" que apoian veciños, transportistas e colectivos de Vigo.


Así mesmo, indicou que, a pesar de que hai tamén un acordo político para converter en urbano ese tramo, e a que os gobernos da Xunta e de España "dixeron que o ían estudar", aínda non se levaron a cabo "actuacións reais". "Esperamos que o faga o novo Goberno central", apostilou.


Regades lembrou que esa actuación debe ir acompañada por obras concretas, como a construción de dúas rotondas na zona da Avenida de Buenos Aires, e subliñou que se trata dunha iniciativa que "encaixa" nas condicións que debe cumprir un proxecto supramunicipal e non depende do Plan Xeral de Ordenación Municipal.


OPOSICIÓN


Pola súa banda, o portavoz de Marea de Vigo, Rubén Pérez, subliñou que o Parlamento de Galicia xa aprobou por unanimidade reclamar o rescate da autoestrada e que a mesa do Congreso freou a iniciativa.


Tamén indicou que os grupos da Corporación tamén se pronunciaron respecto diso de facer urbano ese tramo, polo que "xa houbo moitas oportunidades". "Agora o que pedimos son prazos, orzamentos e compromiso", apostilou, e pediu que, de levarse a cabo eses cambios, "sería bo" que se fixesen á vez que as obras de ampliación da autoestrada que se están levando a cabo actualmente.


Mentres, o concelleiro do PP, José Manuel Figueroa, recalcou que a integración do último tramo de autoestrada debe ir acompañadas por outras actuacións urbanísticas e viarias, e reclamou a responsabilidade do Concello nesas iniciativas, á vez que sinalou que o seu partido "tentará que esas infraestruturas leven a cabo canto antes".

relacionada "Frente común" por la AP-9
relacionada ​Fomento veta debater no Congreso a tranferencia a Galicia da AP-9

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress