​Facenda e as CCAA acordan este xoves os obxectivos de déficit para o período 2017-2019

|

Montorohacienda 1


O Ministerio de Facenda e as comunidades autónomas reuniranse este xoves no Consello de Política Fiscal e Financeira (CPFF) para revisar o cumprimento da senda de estabilidade no ano 2015 e fixar os obxectivos tanto para este exercicio como para o trienio 2017-2019.


A reunión está convocada ás 16,30 horas e está previsto que acudan todas a autonomía salvo Cataluña, que xa anunciou a súa ausencia porque reivindica unha relación bilateral co Executivo.


O pasado mes de abril, Goberno e comunidades acordaron xa unha nova senda de estabilidade que suavizaba os obxectivos inicialmente previstos, unha vez que Bruxelas permitía a España un camiño máis lento para alcanzar o déficit cero. Pero non se puideron aprobar estes obxectivos nin o teito de gasto ao continuar o Goberno en funcións ata este mes de novembro.


Eses novos obxectivos de abril sinalan para as comunidades un déficit do 0,7% para este ano, do 0,5% para 2017, o 0,3% para 2018 e cero para 2019. Os gobernos socialistas con todo reclaman unha marxe algo maior para o ano que vén, entre o 0,6 e o 0,7 por cento, asunto que se negocia coa intención de que a senda se aprobe con acordo na reunión do xoves.


O presidente de Murcia, o popular Pedro Antonio Sánchez, aseguraba este luns tras reunirse con Cristóbal Montoro que lle parece aceptable un déficit do 0,5% en 2016, pero que ao seu xuízo é máis importante chegar a un consenso no Consello de Política Fiscal, que a cifra sexa acordada.


O VENRES, QUENDA PARA O TEITO DE GASTO


A votación do xoves pode ser un adianto da sorte que vai correr no Congreso dos Deputados o teito de gasto. O Goberno aprobarao o venres en Consello de Ministros e necesitará no parlamento o apoio doutros partidos para sacalo adiante. Se as comunidades socialistas están conformes coa senda de estabilidade, é máis fácil que o PSOE se some.


Tras a reunión do xoves, o Goberno aprobará o venres o límite de gasto non financeiro para o ano 2017, coñecido como teito de gasto, que previsiblemente contemplará unha cifra de ao redor de 118.000 millóns de euros, 5.000 millóns menos do que se aprobou para este ano, grazas ao aforro polos menores intereses da débeda, o acordo de non dispoñibilidade e o adianto do peche do exercicio orzamentario.

relacionada ​Montoro "tocará" impuestos para cumplir con Bruselas
relacionada ​Marta Fernández Currás no repite como secretaria de Estado de Presupuestos
relacionada ​A Xunta aproba un teito de gasto de 9.063 millóns para 2017

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress