​Un home apuñala a súa ex parella en Carballo

|

Violenciamachistagenero


A Garda Civil de Carballo detivo un home por apuñalar en tres ocasións a súa ex parella na madrugada deste sábado despois de que esta saíse dun bar de copas tras participar nunha cea de empresa cos seus compañeiros de traballo. O agresor foi enviado a prisión preventiva.


Segundo fontes próximas á investigación, a vítima saíra cear cos seus compañeiros de traballo e, posteriormente, foran a un bar de copas da localidade para tomar algo. Foi ao saír deste local cando se atopou co agresor, quen se ofreceu a acompañala ata o seu vehículo.


Foi ao chegar ao coche cando o home lle asestou tres puñaladas, concretamente na zona do ombreiro e da mama. Acto seguido, o agresor deuse á fuga.


Ata o lugar dos feitos trasladáronse a Policía Local, a Garda Civil e persoal sanitario, que auxiliaron a vítima. Esta, que estaba consciente e que se atopa fóra de perigo, asegurou á Policía Local e á Garda Civil que non sabía moi ben o que ocorrera durante o tempo que lles levou chegar ao coche desde o local de copas.


A muller non quixo presentar denuncia contra o seu agresor, quen foi detido este domingo pola mañá por un delito de violencia de xénero. Está previsto que o home pase este luns a disposición xudicial.

relacionada ​Detenido un hombre en Santiago por violencia machista
relacionada ​Otros dos detenidos por agresiones machistas en A Coruña y Vigo

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress