O Cunqueiro contáxiase do peche de camas
CCOO denuncia a inminente clausura doutras 70 camas na área sanitaria de Vigo
Pouco a pouco e sen informar. Os sindicatos denuncian "un peche de camas masivo" por parte da xerencia da área sanitaria de Vigo, que xa afecta ao Hospital Meixoeiro e que pronto se extenderá ata o Álvaro Cunqueiro.
A chispa saltou a comezos da fin de semana pasada, cando os traballadores do Meixoeiro se atoparon co peche dunha das alas da sexta planta, con 30 camas. Este peche viu a unirse á clausura permanente da terceira planta e de 30 postos de ciruxía durante as fines de semana, provocando que máis da metade das camas do hospital quedaran inoperativas.
E a cousa non queda ahí. Espérase que este venres se peche outra ala, esta vez na quinta planta, reducindo a mínimos a capacidade de ingresos no Meixoeiro.
Un peche de camas que acabará contaxiando ao Hospital Álvaro Cunqueiro. CCOO vén de denunciar que a xerencia pretende pechar o vindeiro 15 de xuño as alas de hospitalización de Otorrino e Traumatoloxía, quedando inoperativas 70 camas do novo hospital durante o período estival.
Dende a xerencia non dan conta do número total de camas que pretenden pechar de cara ao verán. Pero os sindicatos temen que se acaden mínimos históricos, que repercutan ademais na parálise de quirófanos e contratacións de persoal mínimas.
CCOO denuncia estas "imposicións do Sergas" e reclama que se utilicen os meses de verán para "reducir as escandalosas listaxes de espera cirúrxicas" da área sanitaria.
Escribe tu comentario