A Galicia tócalle só o 0,6% das axudas do Goberno central para atender a refuxiados

|


Refuxiados

A vicepresidenta do Goberno, Soraya Sáenz de Santamaría, deu conta este venres da repartición de 1,75 millóns de euros entre as comunidades autónomas para "contribuír a financiar parte do gasto sanitario engadido orixinado pola acollida de refuxiados" e que teñen "unhas necesidades específicas como poden ser intérpretes, mediadores ou outras ferramentas de comunicación". Nesta repartición, Galicia percibirá 11.104 euros.

"Trátase dunha axuda complementaria para prestar este tipo de servizos", concretou a vicepresidenta, que explicou que a determinación das contías fixouse por acordo do Consello Territorial do Sistema Nacional de Saúde e organízase en función do numero de solicitantes en cada comunidade durante 2015 que constan na base de datos de cartóns sanitarios.

Localizáronse "17.021 unidades de repartición" seleccionadas ponderando a idade e a vulnerabilidade de cada un dos perfís. En virtude destes cálculos, Andalucía recibirá 206.142 euros; Aragón, 41.948 euros; Asturias, 36.499; Baleares, 13.160; Canarias, 44.416; Cantabria, 89.962; Castela e León, 64.362 euros; Castela-A Mancha, 93.047; Cataluña, 272.972; Comunidade Valenciana, 211.694; e Estremadura, 4.318.

Así mesmo, Madrid recibirá 549.748 euros; Murcia, 31.770; Navarra, 12.441; País Vasco, 33.517; A Rioxa, 24.367; Ceuta, 6.580 e Melilla, 1.953 euros.
9.000 PETICIÓNS DE ASILO

A vicepresidenta presentou ao termo do Consello de Ministros un balance da situación en materia de asilo, refuxio en inmigración en España do que se desprende que 9.000 persoas pediron protección internacional tras chegar polo seu propio pé ao país durante o primeiro semestre do ano.

Segundo explicou en rolda de prensa, o ano pasado foron 20.157 as persoas que solicitaron protección en España e ata o 29 de xuño a cifra supera xa as 9.000. "Isto supón que se multiplicaron por catro as cifras nos últimos anos e que España é o quinto país onde máis se incrementaron as peticións de asilo no noso propio chan", asegurou.

A cifra, con todo, equivale a menos do 1% do total de peticións de asilo rexistradas na Unión Europea durante o primeiro semestre do ano de acordo aos datos que recompila Eurostat en cada un dos países.

relacionada Una treintena de colectivos protestan en La Coruña contra el acuerdo UE-Turquía sobre los refugiados
relacionada Arranca el desalojo de los refugiados del campo de Idomeni

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress