​Democracia Ourensana denuncia "exhibición de publicidade electoral do PP" en colexios

|

Jacomemesaelectoral


Democracia Ourensana (D.Ou.) denunciou ante a xunta electoral provincial de Ourense a "exhibición de publicidade electoral do PP en todos os colexios electorais da provincia".


"A maña consiste en mostrar o nome de Feijóo e o logo de campaña en todos os cartafoles e folios de anotación que os interventores do PP teñen en todas as mesas electorais", asegura DO.


Por iso, Democracia Ourensá esixiu, segundo asegura, "en todas as mesas electorais" ás que acoden, que os presidentes de mesa "non permitan a exhibición desa publicidade".


"Nalgunha mesa, os interventores do PP negáronse, e a presidenta de mesa detivo a votación e, mediante consulta á xunta, obrigóuselle a quitar a publicidade aos interventores que se negaban", destaca a formación ourensá.


A Xunta Electoral Provincial de Ourense díxolle a D.Ou., tras a denuncia formulada, que "chamarán ipso facto a todas as xuntas de zona, para que se ordene aos presidentes de mesa a que non permitan a dita exhibición publicitaria nos colexios electorais", explicou.


PROHIBIDA LA PUBLICIDAD ELECTORAL


A raíz desta denuncia e doutra de En Marea, a Xunta Electoral de Galicia trasladou un escrito destinado aos colexios electorais da Comunidade no que lembran que está prohibido que os interventores e apoderados exhiban eslogans ou emblemas de campaña electoral durante a xornada de votacións.

No seu escrito, ao que tivo acceso Europa Press, o organismo estima a solicitude de En Marea e lembra a interventores e apoderados que "só poderán ostentar emblemas ou símbolos que permitan a súa identificación por electores que necesiten a súa asistencia para algunha cuestión electoral", pero que está "prohibida o día da elección a utilización de símbolos, emblemas ou lemas que, directa ou indirectamente, poidan ser constitutivos da campaña electoral".

relacionada ​Constituídas con "relativa normalidade" todas as mesas electorais en Galicia

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress