A Valedora propón multar ás familias dos menores que participen en botellóns

|

Botellon



A Valedora do Pobo, Milagros Otero, suxeriu este domingo a posibilidade de impoñer multas aos menores que participen en botellóns e ás súas familias.

Nunha entrevista en Radio Galega, a Valedora do Pobo instou aos concellos a que se impliquen máis activamente no control dos botellóns.

Neste sentido, afirmou que, "do mesmo xeito que cando un menor se lle ocorre coller un coche a Policía o para e o multa", neste caso tamén os terá que multar: "Ás veces, cando a convicción non é suficiente, hai que pasar ao outro", opinou.

Así mesmo, Milagros Otero tamén demandou unha maior vixilancia da venda de alcol e que se persiga que un maior compre a bebida e lla pase ao menor: "Ten responsabilidade que mesmo pode ser penal", aseverou.


O PSdeG RECLAMA PREVENCIÓN


O Grupo Parlamentario Socialista presentou unha interpelación á Mesa do Parlamento sobre o consumo de alcol en menores de idade. De feito, este domingo, a través dun comunicado, o portavoz de Sanidade do Grupo Socialista, Julio Torrado, reclamou "os recursos necesarios" para o desenvolvemento de accións educativas e de vixilancia para as intervencións regulamentarias previstas.

O deputado socialista presentou unha serie de iniciativas nas que pide un maior desenvolvemento da Lei de prevención de consumo de bebidas alcohólicas en menores de idade e instou ao Goberno a "afastarse da criminalización dunha xeración e falar con claridade dos problemas".

Aínda que Torrado recoñeceu que "o fenómeno do consumo por menores non é novo" reclama unha valoración da Xunta sobre os "preocupantes" casos coñecidos recentemente e pídelles contas sobre as accións educativas que se están levando a cabo.


MENOS CASOS GRAVES

Segundo informaron os socialistas na interpelación, houbo 400 casos graves de consumo de alcol en menores ao longo de 2016, a metade dos 800 rexistrados o ano anterior á lei de 2010 --segundo datos do servizo de emerxencias galego--. Para os socialistas a cifra segue sendo un número "moi relevante".

Así mesmo, o portavoz de Sanidade do Grupo Socialista tamén reclamou un balance obxectivo para poder traballar nas medidas que resultasen eficaces e reformular as que non, e que "se afasten da criminalización dunha xeración e se comece a falar con claridade dos problemas".

relacionada "Os mozos beben, sobre todo, porque os adultos son tolerantes"
relacionada ​Unha nena de 13 anos tivo que ser atendida por intoxicación etílica en Vigo

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress