A Deputación da Coruña apoia con 260.000 euros 70 proxectos agrogandeiros

A Deputación da Coruña aprobou a concesión definitiva de subvencións a un total de 70 entidades asociativas agrarias da provincia, que recibirán 264.330 euros para a realización de actividades relacionadas con sectores agropecuario e forestal, segundo informa a institución provincial.

Estas axudas están orientadas ao fomento do sector primario e permitirán a posta en marcha de novos proxectos "como o fomento da eficiencia enerxética nas explotacións agrogandeiras proposta pola Asociación de Gandeiros de Bovino Roi Xordo e dotada con 9.984 euros", sinala a institución provincial.

Ademais, as achegas provinciais financiarán a realización doutros proxectos como a implantación de aplicacións informáticas para a mellora da xestión económica das explotacións lácteas para a que a Asociación Sectorial Láctea Galega recibirá 9.991 euros e un programa de mellora de calidade do leite promovido pola Sociedade Agraria de Transformación Sancidre, dotado con 6.000 euros.