Galicia, das autonomías máis negativas ao informar sobre o pobo xitano

|

Alumnadogitano

Baleares e Galicia foron as autonomías máis negativas á hora de informar sobre a comunidade xitana, cun 54,55% e 51,76%, respectivamente, de textos desfavorables, segundo o informe 'Xornalistas contra o racismo? A prensa española ante o Pobo Xitano 2015', realizado pola asociación Unión Romaní.


Estes mesmos datos revelan que o 19,93% das informacións publicadas en medios de comunicación españois durante o ano 2015 sobre a comunidade xitana foron negativas.


Así, o informe que analizou 2.533 informacións escritas e dixitais, mostra que a porcentaxe de textos negativos é moi similar ao de positivos, que alcanzou o 19,11%. Desta forma, en liña cos datos da edición 2014, o maior número de textos tivo un tratamento neutral, ao representar o 60,96% do total.


Respecto da temática das noticias relacionadas coa comunidade xitana, o estudo destaca que un 11,83% delas tiveron que ver coa política, seguida do asociacionismo (10,55%), os sucesos (6,96%), sociedade (6,18%), racismo e discriminación (4,64%). Pola contra, os temas que rexistran menos mencións na prensa tiveron que ver con lingua (0,13%), a lei xitana (0,16%), sanidade e hixiene (0,27%).


Doutra banda, o informe 'Xornalistas contra o racismo? A prensa española ante o Pobo Xitano 2015' mostra que o 79,29% dos textos analizados que fixeron referencia a agresións tratáronse de forma desfavorable, sendo a lei xitana o tema que se tratou de forma máis negativa (90,91%), así como delincuencia (69,50%), asasinatos e homicidios (65,31%), sucesos (65,18%), conflito e drogas (64,94%, cada unha), e policía (63,08%).


A xuízo dos autores da investigación, a consulta de fontes xitanas é "claramente insuficiente" xa que, segundo o informe, en 2015 consultáronse no 28,73% dos casos, ascendendo ao 71,27% os textos sen versión ou opinión xitana.


En materia de tipo de texto, o 93,42% dos analizados foron informativos, fronte ao 6,58% catalogados como de opinión. Así, o 55% dos de opinión foron positivos, o 31,87% neutrais e os 13,13% negativos. No caso das publicacións informativas, o 63% foron neutras, as 20,41% negativas, e o16,59 favorables.


POR COMUNIDADES


Por rexións, as comunidades onde máis textos se publicaron foron Madrid (28,94 %) e Andalucía (14,35 %), mentres que en materia de tratamento as máis neutras foron Castela-A Mancha e Estremadura. As comunidades máis negativas foron Baleares (54,55% de textos desfavorables) e Galicia (51,76%).


Finalmente, o informe revela que a noticia foi o xénero máis utilizado e a extensión máis empregada foi a estándar (non excede os cinco parágrafos). Ademais, a porcentaxe de noticias en portada situouse no 2,18% do total, sendo o 33,96% delas clasificadas como negativas.

relacionada A Xunta porá en marcha un programa para reducir o abandono escolar do alumnado xitano

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress