​O 061 atendeu a 60 persoas debido a 49 accidentes de tráfico na fin de semana

Urxencias Sanitarias de Galicia-061 atendeu a 60 persoas debido a 49 accidentes de tráfico rexistrados durante o pasado fin de semana na rede viaria galega.

Segundo informou o 061, a Central de Coordinación recibiu entre as 15,00 horas do venres e as 23,59 horas do domingo 57 chamadas en relación cos sinistros de circulación. A xornada na que se contabilizaron máis incidentes foi a do sábado, con 23 accidentes.

Os recursos sanitarios mobilizados polo 061 ascenderon a 64. En concreto, as ambulancias medicalizadas acudiron a catro sinistros; as asistenciais saíron en 50 ocasións e as convencionais, en catro; mentres que o helicóptero medicalizado atendeu nunha ocasión e os médicos de Atención Primaria prestaron asistencia en cinco ocasiones.

En 56 casos os feridos foron levados aos centros sanitarios correspondentes e en catro ocasiones recibiron atención no lugar do incidente sen necesitar traslado.

A proporción de homes atendida foi do 64 por cento e a de mulleres reduciuse ao 36 por cento. En canto ás idades dos feridos, un 39 por cento dos asistidos tiña entre os 30 e 44 anos.

Pontevedra, con 21 accidentes, foi a provincia que rexistrou máis sinistros durante os desprazamentos do fin de semana; seguida da Coruña, con 18; Lugo, oito; e Ourense, dous.