¿Podemos ir a novas eleccións?

Manuel Fernando González Iglesias

Podemos, esa é a resposta a día de hoxe, sobre todo despois do referéndum á búlgara que acaba de celebrar a formación de Pablo Iglesias e Echenique, que acaban de dar o golpe de gracia a Errejón, que sufriu o mesmo desaire que no seu día padeceu o dirixente aragonés, agora trasmutado en secretario de organización e gardaespaldas partidario de Iglesias. Iso sucedeu, recórdeno Vds. cando dende a súa cadeira de rodas lle plantou cara a Pablo, Pablito, Pablete para facerse co poder nos tempos fundacionais perdendo por goleada.


Agora, colocado á súa dereita, como no seu día fixo Errejón, --os novos políticos non aprenden dos erros cometidos polos anteriores-- saborea os novos tempos, como se lle tivera tocado o cuponazo, sen darse conta que a 18 mil dos seus non lles gusta deixar tirados aos socialistas e que o que lla fixo unha vez volverá a repetilo. Ver para crer.


Así pois, preparémonos para votar, que este conto da leiteira xa chegou ao seu fin, xa que só lle queda o trámite da visita a Zarzuela, donde se dará por seguro que algúns lle botarán a culpa aos outros aunque, aquí o que caba dicir é aquelo tan sabido de "matárona entre todos", quitándolle o apéndice final de "morreu ela soa", porque iso é rotundamente falso.


E se os de Podemos lle acaban de estrelar a botella do pacto na cabeza de Pedro Sánchez facendo imposible calquera acordo entre partidos, José Manuel Soria "o canario de Panamá", clavoulle catro varas largas e profundas ao seu amigo e xefe na moi popular corrida da Corrupción, que vén a ser o mesmo que a da Beneficencia, pero con máis dun puntilleiro resgardado no canellón disposto a mandar ao desolladero ao último touro do PP.


Din nas Ventas madrileñas que este manso de Pontevedra acabará perdendo a vida, ás cinco en punto da tarde, cando se faga necesario o seu paso a mellor vida, se é que se quere formar novo goberno xa que, no mesmo, só deben estar tecnócratas de dereitas, algún que outro socialdemócrata, e varios independentes acompañando a Albert Rivera como Vicepresidente e á pequena Soraya, a preferida de Angela Merkel, pero tamén dos xerarcas de Bildelberg.



¿E os socialistas? Pois, a cobrarse no programa para a gobernabilidade a súa inexcusable abstención, mentres contemplan como o xefe das hordas moradas se converte no Xefe da leal oposición e o que é peor, no ideólogo de toda a esquerda. ¿Apostamos?


Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Más opinión
Opinadores

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE