​Ana Pontón esixirá "responsabilidades" e Feijóo rexeita o "rédito político" polo accidente do tren

|

Núñez Feijóo defendeu este xoves que "todo o mundo ten dereito" a coñecer o informe de Bruxelas sobre o tráxico accidente do Alvia rexistrado o 24 de xullo de 2013 no compostelán barrio de Angrois e incidiu en que el, como presidente de Galicia, está interesado en saber se hai máis "responsabilidades" á marxe da do maquinista, Francisco Garzón.


O presidente do Executivo autonómico reafírmase en que non "usará" en ningún as mortes para "facer política" e censurar "ao Goberno que executou as obras nin ao que as puxo en marcha", en alusión ao anterior Executivo socialista.


Dito isto, o presidente galego proclamou que "sen ningunha dúbida" hai que facer "xustiza" coas vítimas. Iso si, insistiu en que o asunto está no ámbito xudicial, polo que non está de acordo en "empezar a vulnerar os dereitos das partes" e tentar "sacar rédito político do sufrimento e da morte".


"Como presidente de Galicia gustaríame saber se hai algunha responsabilidade ademais do maquinista, se se puido evitar e, se fose así, se puido haber corresponsables", asegurou, antes de engadir que, aínda que as vítimas poidan pensar que a súa actitude é "pasiva", non é así.


"CREO NO ESTADO DE DEREITO"


"Pódolles asegurar que fago o que fago porque creo no Estado de Dereito e en que a política non pode ser corrosiva para tentar buscar responsabilidades na administración da época", apostilou.


De feito, subliñou que as vítimas e os seus familiares "merecen" coñecer o informe e ter toda a información posible, xa que, aínda que "o seu problema non se vai a liquidar", si é importante que "vexan que a súa loita e interese" ten "reflexo nas institucións". "E ao final, a última palabra teraa a Administración xudicial", concluíu.


RESPONSABILIDADES POLÍTICAS


A portavoz nacional do BNG, Ana Pontón, pola súa banda, confiou en que o informe da Comisión Europea sobre o accidente de Angrois, no que morreron 80 persoas e máis dun centenar resultaron feridas, permita "dar luz" e mesmo "condicionar o proceso de investigación", para coñecer as "causas" do sinistro e que se asuman "responsabilidades" penais e políticas.


Respecto diso, Pontón quixo "poñer en valor" o traballo realizado polos distintos representantes da súa formación no Parlamento galego, no Estatal e na propia Unión Europea, defendendo "da man das vítimas" o "dereito para coñecer a verdade" e o impulso dunha comisión de investigación, ademais de apremar a publicación do citado informe tras diversos atrasos.


"Estamos dispostos a ir ata o final, ata que coñezamos a verdade", advertiu, co obxectivo de que tanto as vítimas "como o conxunto da sociedade" coñezan as causas do accidente e "que se asuman responsabilidades tanto desde o ámbito penal como desde o ámbito político".


relacionada A investigación de Angrois non foi independente e obviou "elementos clave"

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE