Presentadas tres candidaturas para o proceso interno de En Marea

|

Villaresdaviderodriguezenmarea


Un total de tres candidaturas foron presentadas finalmente para concorrer ás primarias ao Consello das Mareas, cada unha delas coa súa proposta para a coordinadora de En Marea.


Antes de que terminase o prazo á medianoite deste venres, á pretendida lista de consenso, encabezada por Luís Villares, pero que o deixa fóra da coordinadora, sumáronselle outras dúas, unha delas con Davide Rodríguez á cabeza.


A terceira das candidaturas presentadas ao proceso interno de En Marea encabézaa Consuelo Martínez, exdiputada e membro de Cerna --organización política escindida de Anova--, e leva no seu programa o apoio explícito a Luís Villares como portavoz "unipersonal" do partido instrumental.


Así o manifestaron fontes de Cerna, que explican que a lista que encabeza Martínez, denominada 'Queremos participar', está conformada por persoas de distintas candidaturas municipais.


As outras dúas candidaturas son a que encabeza o portavoz parlamentario de En Marea, Luís Villares, e a de 'Somos quen', co deputado e exalcalde de Manzaneda Davide Rodríguez.


O prazo para rexistrar as listas concluíu ás 00,00 horas deste sábado e agora ábrese un período de corrección de erros previo paso á publicación definitiva das mesmas.

relacionada ​En Marea acorda que a dirección do partido saia dunha "lista de consenso"
relacionada ​Villares asegura que os debates de Podemos "non condicionan" a En Marea

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress