​A loita contra incendios non dá respiro

A semana pasada o lume cebouse coa Coruña e Pontevedra. Agora son Ourense e Lugo as que máis sofren. Esta tarde quedou desactivada a 'situación 2' no incendio que desde o domingo afecta á localidade ourensá de Pobra de Trives, segunda informou Medio Rural. A medida decretárase a última hora do domingo por se atopar o lume nas inmediacións do lugar de Seixo, donde unha casa resultou afectada polo incendio que, segundo as últimas estimacións, afecta xa a máis de 160 hectáreas.

Segundo informou a Consellería do Medio Rural, os dous operarios que resultaron feridos no incendio de Pobra de Trives e tiveron que ser trasladados ao hospital do Barco de Valdeorras xa foron dados de alta.

Mentres, o operario ferido leve por intoxicación de fume mentres traballaba na extinción dun lume na localidade ourensá de Sarreaus recibiu tamén a alta, despois de permanecer ingresado en Observación nun centro hospitalario de Ourense.

Segundo as estimacións, a superficie queimada é de supera as 160 hectáreas e nas súas tarefas de extinción participan dous técnicos, 24 brigadas, once motobombas e unha pa. Os medios aéreos que participaban nas tarefas de extinción deste incendio tiveron onte que retirarse debido a unha tormenta eléctrica, que tamén complicou os labores terrestres debido a que o incendio afecta a un terreo escarpado.

ACTIVO EN CERVANTES

En Cervantes (Lugo), outro lume permanece activo tamén desde a noite do domingo, onde a superficie queimada excede as 30 hectáreas. 

Pola súa parte, o lume declarado en Melón foi estabilizado preto das 5 da tarde. Calcúlase que as chamas calcinaron unhas 100 hectáreas, principalmente na parroquia de Quins. 

Doutra banda, o incendio de Cualedro (Ourense) foi controlado pasadas as 3,00 horas da mañá. O lume afecta principalmente á parroquia de San Millao e segundo as últimas estimacións provisionais calcinou 450 hectáreas.

Os incendios de Sarreaus (Ourense), Vilardevós (Lugo) e Baralla (Lugo) quedaron extinguidos na madrugada do domingo. Nestes incendios o terreo queimado é de 12, 54 e 54 hectáreas, respectivamente.

MÚLTIPLES INCENDIOS EN POUCO TEMPO

A conselleira de Medio Rural, Ángeles Vázquez, eloxiou o labor do persoal de extinción, que nas últimas horas freou con "rapidez" máis de 20 conatos de incendio rexistrados na provincia de Ourense.

Nesta liña, pediu á cidadanía a súa colaboración para loitar contra ese "grave problema". Así mesmo, sinalou nun comunicado que se atoparon desde a madrugada do domingo varias velas no municipio de Padrenda, onde se contabilizaron ata catro incendios diferentes "practicamente simultáneos". Este material, segundo apuntou a conselleira, entregouse á Policía Autonómica, que investiga o caso.

A conselleira sinalou que a maior parte os lumes detectados no sur da provincia de Lugo foron provocados polas tormentas secas rexistrada na zona e que a maioría se controlaron e tiveron pouca incidencia.