#Claves de la semana

​Lidia Senra defende a regulación pública da produción láctea galega

Senra sinala que esta semana tan só un nove por cento dos gandeiros galegos pediron a subvención da UE para a redución de produción láctea. 


|

Lidiasenra 1


Dez eurodeputados, entre eles Lida Senra (AGEe), rexistrou unha declaración por escrito en defensa dunha regulación pública da produción láctea --en base ao artigo 136 do regulamento do Parlamento europeo--.

Agora ábrese un prazo de tres meses ata o 12 de decembro para que os impulsores desta iniciativa obteñan o apoio de polo menos a metade máis un dos eurodeputados da Cámara, en total son 376 firmas mínimas necesarias.

O texto tamén está promovido polos deputados do Grupo Confederación da Esquerda Unitaria Europea Miguel Viegas, Joao Ferreira, Ángela Vallina, Fabio de Masi, Joao Pimenta Lopes, Neoklis Sylikiotis e Takis Hadjigeorgiu, así como José Bové (do grupo dos Verdes) e Marc Tarabella (socialdemócrata).

No escrito, remárcase que nos últimos anos miles de gandeiros víronse obrigados a abandonar as súas explotacións debido á "liberalización" do sector e as solucións "totalmente inadecuadas" das administracións.

A modo de exemplo, Lida Senra sinala que esta semana tan só un nove por cento dos gandeiros galegos pediron a subvención da UE para a redución de produción láctea, o que "corrobora" que a solución "non pasa por subvencionar o peche de explotacións leiteiras".

De tal forma, os impulsores desta proposta urxen adoptar medidas para "axustar a oferta á demanda", "contrarrestar de forma inmediata o 'dumping' entre os Estados membros", así como "garantir unha distribución equitativa do valor engadido ao longo da cadea de valor do sector".

relacionada ​Bruselas detalla las medidas para reducir la producción de leche ante la crisis láctea
relacionada ​Ángeles Vázquez: A redución de produción láctea "non é o camiño a seguir"
relacionada UUAA advirte que as axudas europeas traerán "a picaresca do leite negro"
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE