​Unha vítima de Angrois protesta no Congreso pola elección de Ana Pastor

|

Angroisvalla

Víctor Taibo, membro da Plataforma de Vítimas do accidente ferroviario do tren Alvia 01455 en Angrois e fillo da deputada autonómica do PP Teresa Gómez Limón, protestou este martes no Pleno do Congreso pola elección de Ana Pastor como nova presidenta da Cámara Baixa.


Taibo fora convidado por En Marea, a confluencia galega coa que Podemos concorreu ás eleccións, a seguir a sesión constitutiva do novo Congreso desde a tribuna reservada para o público no hemiciclo.


Unha vez que a presidenta da Mesa de Idade, María Teresa de Lara, comunicou ás súas señorías que Pastor fora elixida nova presidenta do Congreso, Taibo aproveitou para tirar un papel desde a tribuna de invitados. O incidente non foi a máis e o mozo saíu polo seu propio pé do Salón de Plenos.


As vítimas de Angrois xa reaccionaran ante a elección do PP da titular de Fomento para aspirar a Presidencia do Congreso, unha decisión que consideran "unha afronta máis" cara a eles posto que Pastor, segundo denuncian, "fixo todo o posible para que non se saiba a verdade" sobre o sinistro ferroviario no que faleceron 80 persoas e houbo máis dun centenar de feridos.

relacionada ​Las víctimas del Alvia se sienten ofendidas por el "premio" a Ana Pastor
relacionada Ana Pastor jura su cargo como presidenta del Congreso
relacionada ​Rajoy busca en la presidencia del Congreso una salida para Ana Pastor
relacionada ​Las víctimas del Alvia piden la dimisión de Ana Pastor: "nos mintió"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress